ФЫРЫ ХЪУЛЫ ХУЫЗÆН УЫН

Рæсугъд, нарст, хæрзхуыз уын. Фæзæгъынц лæппуйæ.

Бакæсут ма сæм: фыры хъулы хуызæн авд лæппуйы, сæ иуæй – се 'ннæ 'рыгондæр, сæ иуæй – иннæ хæрзуынддæр. (Гæбулты М. Тагъд дон фурды не 'ййафы.)

Хъултæй хъазын рæстæджы алы хатт дæр æвзæрстой фыры хъул, уымæн æмæ иннæ хъулты уæлдай уыдон уыдысты рæсугъддæр, стæй уилгæ цы хъулæй кодтой, уый дæр уыд фыры хъул, иннæты та хуыдтой «хъазæн хъултæ».